Првиот човек на Тесла Илон Маск вели дека ќе плати околу 11 милијарди долари даноци оваа година.
„За оние кои се прашуваат, ќе платам повеќе од 11 милијарди долари данок оваа година“, напиша Маск на Твитер.
Пред неколку дена, демократската американска сенаторка Елизабет Ворен на Твитер изјави дека Маск треба да плаќа даноци, потсетува Ројтерс.
Маск одговори велејќи дека „ќе плати повеќе даноци оваа година од кој било Американец во историјата“.
Маск е најбогатиот човек на светот, а во последните неколку недели продаде акции на Tesla во вредност од речиси 14 милијарди долари.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.