-Ве молам за одговор дали ќе добијам втор мандат, (ставен и датум на раѓање), со вакво прашање пред два дена скопјанката Матилда Бајкова се обратила до астролог Мирјана Мирковиќ, ФБ профил, но договор не добила биту во стримот во живо на социјалната мрежа ниту под прашањето.
Јасновидката Мирковиќ требало да ги „сврти“ тарот картите за да ја види директорската судбина на скопјанката.
„Слободен печат“ објави дека станува збор за образовен работник, односно за директорка на основно училиште.
Таа наместо да се обрати во општина, во училишен совет или да ги подготвува документите за евентуален конкурс, одговорот за сопствената иднина и за иднината на децата на кои им е директорка во школо, сепак побарала помош во тарот картите и тоа во соседна Србија, преку социјална мрежа.
Бајкова е директорка на ОУ „Аврам Писевски“ во Бардовци, општина Карпош. Како што е познато, во оваа скопска општина има промена на градоначалничка позиција, претходниот Стефан Богоев се повлече од позицијата и не се кандидираше, а на функција се врати Стевчо Јакимовски од ГРОМ, кој на претходните локални избори беше поразен.
Во 2018-та, Матилда Бајкова ги пречекала и Богоев и Луиза Винтон, тогашната претставничка на ООН во Македонија, и некогашниот министер за земјоделие Љупчо Николовски во училиштето каде е директорка.
Бил презентиран проект со училишна градина, преку која децата требало да се информираат за растенијата и да научат повеќе за градинарски култури.
Директорката на училиштето во Бардовци, Матилда Бејкова тогаш напоменала дека градината е место каде децата ќе учат директно во природа и ќе ја градат својата свест за здравата храна.
-Сите ученици од ова училиште, освен што ја заштитуваат животната средина, се и претставници на иднината. Сите вредно работеа и таа пракса ќе ја продолжиме. Градината е поделена, а во жаридињерите ќе се садат зачински и билки за јадење, изјавила Бејкова, а кажаното е пренесено преку соопштение на општина Карпош.
Три години подоцна, директорката се уште чека одговор од српската јасновидка за нејзината функција и за вториот мандат. Нејзиното оригинално прашање е меѓу прашања на други клиенти на тарот картите, кои се интересираат дали ќе добијат алиментација од бившиот сопруг, дали ќе добијат трето дете, дали ќе завршат матура и слично.