Двојниот стрелец за Наполи на дуелот против Лестер, Елиф Елмас е прогласен за најдобар играч во последната рунда од второто по ранг европско клупско натпреварување.
Наполи во соочувањето со премиерлигашот забележа победа од 3:2, а два погодоци беа дело на македонскиот репрезентативец кој беше најзаслужен за пласманот во елиминациската рунда од Лига Европа.
Воедно Елмас стана првиот фудбалер на Наполи кој по пауза од скоро седум години на еден меч на два пати се запишал во листата на стрелците на некој од дуелите во европските натпреварувања, а претходно во соочувањето со московски Спартак го постигна вториот најбрз гол во историјата на Лига Европа.
Во првиот круг од ова натпреварување Елмас на шест настапи постигна четири гола и забележа една асистенција.
