Илон Маск, извршен директор на Тесла, изјави дека размислува да ги напушти сите работни места и да стане инфлуенсер.
„Размислувам да се повлечам од мојата работа и да станам инфлуенсер со полно работно време“, напиша Маск на Твитер без да даде дополнителни објаснувања.
Според Ројтерс, не е јасно дали Маск бил сериозен за она што го напишал.
Маск, кој исто така е основач и извршен директор на Спејс Икс и го води стартапот Неуралинк и Компанијата Боринг, во јануари изјави дека верува дека ќе биде извршен директор на Тесла „неколку години“.
„Би било убаво да имам малку повеќе слободно време наместо да работиме цел ден и ноќ; седум дена во неделата, од моментот кога ќе се разбудам до спиење. Тоа е прилично интензивно“, рекол Маск тогаш.
Минатиот месец тој ги праша своите следбеници на Твитер дали треба да продаде 10% од својот удел во Тесла, на што повеќето одговориле потврдно. Потоа продаде акции во вредност од речиси 12 милијарди долари.