На 37 годишна возраст почина Хајрулах Рамизи, актер на Албанскиот театар од Скопје.
Рамизи дипломираше актерска игра на ФДУ, во класата на Рефет Абази, а од 2007 година е ангажиран во Албанскиот театар.
Ќе останат во сеќавање креациите на Рамизи во претставите: „Војцек“, „Калигула“, „ Генералот на мртвата војска“, „Макбет“ и „ Арсеник и стари тантели“. Негова последна претстава беше „ Брегот на тагата“.
Хајрулах Рамизи учествуваше во регионални и домашни филмски остварувања. Меѓу нив се: „ Едварт“, „ Време на кометата“, „ Војната заврши“, „1955“, „ Само уште еден збунет слон“, „Панкот не е мртов“, „ До Балчак“ и „ Судбина“.
Рамизи ќе биде погребан утре на градските гробишта- Бутел, а датумот и часот за комеморација по повод неговата смрт, Албанскиот театар ќе ги објави дополнително.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.