Зошто и како се случи намалувањето на јавниот простор, во конкретниов случај скопскиот плоштад и сите последици на урбанистичката агресија во јавниот простор се главните аспекти на истражувањето на АКТО, Фестивалот за современи уметности. Стеснувањето на јавниот простор води до стеснување и намалување на јавното мислење, а со тоа и на намалување на демократијата.
Во период од 30 години доаѓа до 70% проценти стеснување на јавниот простор на јавната површина на плоштадот Македонија . Со тоа се покажува дека човекот повеќе не зборува на отворено, туку најверојатно овој јавен живот е префрлен само на социјалните медиуми. А знаеме до каде стасевма со комуникацијата на овој виртуелен простор, вели Ивана Васева, АКТО
Врската на агората, јавниот простор и правото на говор, дали плоштадот е простор за разговор дијалог или е простор кој се уште поларизира, вели Филип Јовановски, АКТО
За архитектката Дивна Пенчиќ, која е воедно и нов советник во Град Скопје урбанизмот не е само градење и пополнување на градот, туку многу повеќе квалитет на јавниот простор.
Уште малку простор остана и сега и тој треба да го заштитиме и во јавните простори треба да понудиме подобар квалитет. Она што е интересно е како да немаме некоја јасна слика што со тој јавен простор. Јавниот простор не е само да поминете и да отидете до првото кафуле или првата кафана и да си го паркирате возилото, туку напротив тоа е место каде што треба да се одвива градскиот живот. Јавниот простор е дневната соба на градот, смета проф. д-р Дивна Пенчиќ,
Според Пенчиќ јасни се критериумите за оценка на добар јавен простор и тие лесно може да се проверат во секое време. На секој простор без оглед на финансискиот влог треба да му се даде душа и континуирани дебати за квалитетот на слободата на говор во истиот тој простор, сметаат нашите соговорници.
Нина Стефанова