Чави наскоро ќе биде промовиран во нов тренер на Барселона, откако денеска го раскина договорот со Ал Сад, тим што го водеше две години и каде ја заврши играчката кариера.
Катарскиот клуб се согласи на да го пушти Шпанецот да се врати, ако Барселона ја плати откупната клаузула од пет милиони евра.
Сепак, каталонскиот гигант поради финансиските проблеми и рестрикциите наметната од Финансискиот фер-плеј на УЕФА, не може да ги уплати парите на сметка на Ал Сад.
Чави самиот ќе плати пет милиони евра само да се врати во својот матичен клуб и да го извади од моменталната кризна ситуација. Негогашниот фудбалер од средниот ред за Каталонците одигра 767 натпревари во 17 сезони и освои фантастични 25 трофеи.
Тој денеска се поздрави со своите досегашни играчи и со сите вработени во Ал Сад, бидејќи официјално го имаше последниот работен ден.