По пауза од 22 години, романтичниот балет „ Жизел“, од Адолф Адам се враќа на репертоарот на Националната опера и балет. Премиерата е утре вечер во 20 часот.
Балетот „Жизел“, за првпат бил изведен во Скопје на 7 ноември 1956 година, а последен пат во 1999 година, според кореографијата на Леонид Лавровски. Најновата адаптација е на поранешната примабалерина Ирена Пасариќ, од Хрватска.
Во насловната улога настапуваат првенките на НОБ, Марија Кичевска-Шокаровска и Мими Поп Алексова-Атанасова, а во улогата на Алфред ќе бидат првенците Василиј Чичијашвили и Бобан Ковачевски. На првата изведба утре вечер ќе настапат Кичевска-Шокаровска и Чичијашвили.
Балетот „ Жизел“, континуирано се поставува на светските сцени од 1841 година, до денес.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.