Владата и директорот на ЕСМ, Васко Ковачевски, најавија дека од денеска е пуштен во работа и вториот блок во РЕК Битола но според информациите на Телма тој сѐ уште не е приклучен на мрежата и не испорачува електрична енергија.
Ставен е во функција. А кога велиме ставен е во функција започнува процедурата и се очекува по извесно време да ја испорача и потребната количина во системот, велат од РЕК Битола за Телма.
Кога точно ќе биде приклучен на мрежата и ќе испорача електрична енергија, нема прецизна инфромација.
Во моментов, според нашите инфромации, отстапувањето од производството и увозот со потрошувачката е дури 332 мегавати, струја која МЕПСО ја превзема и за која ќе треба да плати над 60 илјади евра. А тоа е само за еден час.
Додeка Владата и ЕСМ смируваат, МЕПСО го вклучи алармот дека е можно да биде санцкиониран поради енормното и ненајавено повлекување на струја од Европската електрична мрежа.
