Се оствари уште еден сон од моето детство да настапам со македонските евергрини и тоа токму под диригентската палка на маестро Џијан Емин, вели Тамара Тодевска.
Носталгија и восхит кон сето она што беше белег на едно време и виртуозите во него.
“Едно одбележување на некое заборавено време на македонски музички великани како Нина Спирова, Димитар Масевски, Шпато, потсети ме ако нешто заборавам. Еден музички времеплов, песни кои мене вистински ми лежат на душа” – вели Тодевска
За публиката концертот беше ретка можност да ги слушне незаборавните „Нека мине се“, „ Зборувај ми за Скопје“ , „Молчи молчи љубов моја“, „Приспивна за реката“ и многу други во изведба на Тамара Тодевска, Биг Бендот на Здружението на џез музичари и музичари од Филхармонијата.
Вистина не е нималку лесно да се направи секогаш вистинскиот избор на композиции , затоа што има мноштво фантастични композиции, вели Џијан Емин.
“Се обидов да направам избор на композиции кои одговараат на сензибилитетот на Тамара, бидејќи таа е фантастична, специфична и сериозно оригинална, прекрасен вокал и навистина ми е драго што го направивме овој концерт заедно со неа. Во однос на аранжманите кога им кажував на другарите реков како да пристапат им реков другари правиме концерт во стилот на Џемс Бонд и Џарлс Бронсон и нешто како Нино Рота, некоја комбинација во македонски фазон” – вели Џијан Емин.
Концертот „Македонски евергрини“ е во рамките на одбележувањето на трисетгодишнината од независноста на Македонија и ќе биде целосно емитуван на Телма на 12 септември.
Нина Стефанова