За две недели ќе биде готова првичната веризија на новиот Закон за легализација на дивоградби, кој ќе биде постегнат и ќе биде наменет пред се за граѓаните, да ги легализираат своите домови, најави денеска од Штип, министерот за транспорт и врски, Благој Бочварски. Во моментов се прават консултациите со стручната фела, архитекти и градежни инжињери, како и со невладиниот сектор.
Првичната верзија ќе биде презентирана пред јавноста, а ќе следи и дебата со политичките партии во собранието. И во новото законско решение нема да бидат опфатени, заштитени зони на Охридското крабрежје. Но, Бочварски не даде конкретен одговор на прашањето, дали во новиот закон ќе бидат опфатени и деловните објекти, кои се градени на диво.
Што се однесува за свлечиштата и одроните на магистралниот пат Кочани кон Делчево ќе се работи на нова проектна документација за решавање на проблемов, а засега барањето на жителите на Делчево за нов пат преку Калиманско поле не е ставено во програмите на државното претпријатие за патишта.
Викторија Јованова
