Со понудена гаранција од половина милион евра, поранешниот генерален секретар на владата го убедил Вишото обвинителство да ја прифати неговата жалба и да биде пуштен од притворот во Шутка.
Од прес службата на обвинителството одговорија дека ова прифаќање веќе е испратено до скопскиот Апелационен суд.
Вишото обвинителството согласно законските надлежности достави писмен предлог со кој му се предлага на Судот да ја уважи жалбата на обвинетиот, да ја прифати понудената гаранција во висина од 30.686.215 денари и да ја замени мерката притвор со понудената гаранција, стои во одговорот од обвинителството.
За Рашковски се отворени две постапки за набавки на софвтери кои самиот ги заштитил како сопствени иновации. Тој како генерален секретар на владата склучил договор со фирмата Инвока за да набави две софвтерски решенија. Едното за систем за сообраќајни прекршоци за потребите на МВР иако не било побарано од полицијата, а вториот софтвер бил наменет за електронско гласање. Двете зделки се во висина од околу 200 илјади евра. Покрај тоа, Рашковски е осомничен дека подолг период на хонорарен соработник во кабинетот му земал месечно по 300 евра од вкупниот хонорар кој изнесувал 800-тини евра.