12 милиони евра е вредноста на новиот тендер на Државната изборна комисија за набавка на апарати за отпечаток од прст кои ќе треба да се користат на локалните избори наесен. Претходниот тендер беше поништен во петокот, од страна на Бирото за јавни набавки, откако се забележани грешки во спецификацијата. Наместо да се бара фирма што ќе набави апарати за биометриска идентификација на гласачи, се барало електронска идентификација на лица. Крајниот рок до кога треба да се достават понудите е 1 јули, и не се очекува оваа грешка да резултира со промена на терминот за избори.
По набавката на апаратите за гласање со отпечаток од прст, ќе треба да се изврши обука на членовите на избирачките одбори, чиј избор почна денеска. Според проценките на ДИК и бројот на гласачки места, ќе се обезбедат околу 4.000 терминали.
Обезбедување апарати за отпечаток од прст за локалните избори беше едно од барањето на ВМРО-ДПМНЕ за кое се договорија Христијан Мицкоски и Зоран Заев на лидерската средба во март.
Далиборка Демјанска Цветановска
