Поранешниот претседател на Кривичниот Суд во Скопје, Владимир Панчевски, е меѓу 18-те приведени лица во кафеана во Стајковци.
Заедно со Панчевски биле приведени и Миленко Неделковски како и
претседателот на Патриотскиот институт на ВМРО-ДПМНЕ, Александар Пандов.
МВР соопшти дека вкупно биле уапсени 18 лица, заради непочитување на мерките за заштита.
– На 26 февруари во 22.00 часот во СВР Скопје било пријавено дека угостителски објект на ул. „6“ во с. Стајковци, сопственост на С.П. и А.П. (52), работи и во него има гости. Полициски службеници во содејство со Државен пазарен инспекторат извршиле контрола при што во објектот биле затекнати 18 лица. Тие се приведени во полициска станица Гази Баба за понатамошна постапка, поради непочитување на мерките за заштита на здравјето од Ковид-19, соопшти СВР Скопје.