Народната банка забрани банките да исплаќаат дивиденда до крајот на годинава. Одлуката е донесена поради неизвесноста од коронакризата. Народната банка, најдоцна до 30 септември, повторно ќе ги оцени околностите со пандемијата и во зависност од оцената, може предвремено да го укине ограничувањето, соопшти централната банка која информира и дека вакви привремени ограничувања во однос на дивидендите се воведени и во земји од регионот и пошироко.
Денеска и Агенцијата за супервизија на осигурување побара осигурителните компании кои оствариле добивка лани да не делат дивиденда. Агенцијата соопшти дека основа на препораката се неповолните резултати остварени во секторот лани.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.