Блокирајќи ја едната коловозна лента на патот Штип- Кочани, оризопроизводителите порачаа дека под итно им требат субвенциите, но и да се решаваат натоложените проблеми.
Алармираат дека не можат да преживеат, бидејќи цената и на оризовата арпа и на белиот ориз деновиве е на најниско ниво.
Оризопроизводителите пред стартот на сеидбата велат дека Водостопанство им бара да си ги платат долговите за наводнување, а тие немаат пари поради ниската цена и неисплатените субвенции.
Прилепските тутунари денеска им дадоа поддршка на своите колеги. Оризопроизводителите бараат ресорниот министер, но го канат и премиерот, Зоран Заев да дојдат и на лице место да ги видат проблемите. Доколку немаат слух најавуваат протести секоја недела.
Викторија Јованова
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.