По итниот состанокот на британскиот премиер Борис Џонсон со министрите и научните советници упатено е предупредување до СЗО во кое се вели дека новата варијанта на коронавирусот го забрзува ширењето на инфекцијата.
Шефот на Државната здравствена служба Крис Вити потврди дека првичните сознанија говорат дека новиот вирус може забрзано да се шири и поради наглиот пораст на инфекцијата на југот на земјата. За прв пат бил забележан во средината на септември во Лондон и Кент. Тој рече дека за сега нема докази кои укажуваат на тоа дека новата варијанта на вирусот е посмртоносна или дека има негативно влијание на вакцинацијата и досегашното лекување.
И покрај забраната за собири на отворени, полицијата денеска имаше големи потешкотии да ги смири демонстрантите кои се противат на строгите рестриктивни мерки, кои ставија клуч на врата на рестораните и пабовите, од полноќ се затвораат и продавниците, а се забрануваат и божиќните собири. Дозволата за мешање на максимум три семејства ќе важи само на Божиќ. Во земјата се воведуваат жестоки мерки од четврти степен.
Мораме да бидеме претпазливи за Божиќ. Јас како премиер донесов тешка одлука за тоа што треба да се направи за да се заштитат луѓето во оваа земја. Имајќи ги сознанијата за новата варијанта на вирусот и потенцијалниот ризик од ширење, ви велат не можеме да продолжиме за Божиќ како што планиравме – Борис Џонсон, премиер на Британија.