Четвртина од смртните ковид – случаи во текот на вчерашниот ден се од Струмица. Дури шест жртви на возраст помеѓу 37 и 75 години бележи министерството за здравство. Градот со недели наназад е на врвот со најмногу позитивни случаи на дневна основа, веднаш после Скопје.
Директорот на болницата вели дека едвај се снаоѓаат со капацитетите, бидејќи се уште не е готов регионалниот ковид центар.
Струмичани се загрижени за брзото ширење на вирусот низ градот и околината. Велат дека не се за воведување полициски час како минатата пролет, но сметаат дека е можен бидејќи граѓаните не се дициплинирани.
Бројот на активни случаи во Струмица во моментов е 564.
Сузана Мицева
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.