Вооружениот маж кој австриската полиција го застрела во виенските напади синоќа бил 20-годишник роден и израснат во градот, кој бил познат на домашните разузнавачи затоа што бил еден од 90-те австриски исламисти кои сакале да патуваат во Сирија, изјави денеска уредникот на весникот Falter, истражувачкиот новинар Флорин Кленк.
Кленк на Твитер напиша дека убиениот е Куртин С. Е роден 2000-та година и дека имал „албански корени“, а неговите родители биле по потекло од Северна Македонија и немаат никакви врски со исламот. Полицијата сметаше дека тој не е способен да планира напад во Виена, додаде Кленк.
Полицијата соопшти дека еден од напаѓачите е убиен. Нападот се случи неколку часа пред австриските власти да ги објават новите рестрикции со кои се обидуваат да ја запрат епидемијата на коронавирусот. Улиците, рестораните и баровите во Виена биле преполни со луѓе, пред да бидат затворени до крајот на ноември, според новите мерки.