Скопје 21 октомври – тече осмиот месец откако Македонија живее во ковид пандемија. Редици пред банките , пазарчињата пред пекарите. Меѓутоа , граѓаните еден позади друг чекаа ред за да влезат. Внатре редар , кој им ги дезинфицира рацете па еден по еден ги пушташе да влезат. А , мерката за носење маска на отворено иако сега за сега е само препорака од здравствените власти , стотиците новозаразени секој ден ги уплашија граѓаните, па голем дел од нив сепак носат заштитна маска и надвор. Дури и оние кои движеа сами на улица. Оние кои зборуваа пред нашата камера велат дека со маска се чувствуваат посигурно.
Автобусите ќе почнат да возат со преполовен капацитет, а како што најавија надлежните ќе се врати и стариот возен ред за да се избегнат турканиците и гужвите.
А фајронтот во кафулињата, кафеаните, рестораните ќе мораат да стават клуч ќе биде во 23 часот. Овие мерки ќе стапат на сила денеска веднаш штом владината одлука излезе и во службен весник .
Кафеаните и рестораните во кои се одржуваат свадби и веселби и покрај забраната, засега добиваат само кривични пријави. Инспекторите сега чекаат законски измени , а откако ќе добијат одврзани раце, ќе може да бидат затворени на 30 дена и на газдите да им се изрече парична казна на лице место.
Теодора Цветковска