Алармантен е бројот на заболени од Ковид во целиот регион. Хрватска денеска јавува за 1096 нови случаи, а медиумите информираат дека вирусот влегол и на Клиниката за онкологија. Позитивни се 10 пациенти, но и неколку медицински сестри и пет доктори. До крајот на денот можно е бројкатадополнително да се зголеми, со оглед на тоа што се чекаат резултати за 300 тестови. Починати се десет пациенти. Според здравствените власти, младите кои се собираат по кафулињата се оние кои ја шират заразата на постарите од семејствата.
Драма се случува и во Словенија. Бројот на заболени денеска е 16% , поточно 898. Епидемиолозите се одлучија повеќе да не ги бараат контактите на позитивните случаи, бидејќи се преоптоварени и немаат доволно капацитет за тоа во оваа фаза од епидемијата.
Корона вирусот неконтролирано се шири и низ другите европски држави. Германија исто така бележи рекорди, што ја натера канцеларата Меркел да и` се обрати на јавноста, и да ги предупреди дека следуваат тешки месеци. Порача Германците да се воздржат од патувања, од непотребни заеднички прослави и од групирања.