Опозицијата во Црна Гора излезе на улиците да ја прослави победата на денешните избори, на која имаше рекордна излезеност од над 75%.
Според проценките на Центарот за мониторинг и истражување, од 89% обработени гласачки ливчиња, ДПС _ решително за Црна Гора на Мило Ѓукановиж има 34,8% од гласовите, коалицијата „За иднината на Црна Гора“ 32,7, а коалицијата „Мирот е нашата нација“ 12,5%.
Проекциите за бројот на мандати е дека ДПС на Ѓукановиќ добива 29 мандати, коалицијата „За иднината на Црна Гора“ 28, „Мирот е наша нација“ – 10 мандати, „Црно на бело“ – 4. По три мандати добиваат Социјалдемократите и партијата на Бошњаците, два СДП и по еден Албанска листа и АК Едногласно.
Лидерот на опозициската „За иднина на Црна Гора“, Здравко Кривокапиќ порача дека по 31 година на апсолутна власт на ДПС се случи слобода.
„Режимот падна“, порача Кривокапиќ.
Брзо по ова се јавија и од ДПС на Ѓукановиќ, од каде рекоа дека опозицијата секогаш брза да каже дека победила, ги повикаа граѓаните да почекаат да се објават официјалните резултати.