Во Тетово и во Гостивар над 300 семејства имаат неоходна потреба за згрижување на нивните деца од предучилишна возраст. Родителите во незивесност, ја чекаат одлуката на Владата – кога ќе започнат со работа детските градинки. Велат дека покрај тоа што нема кој да ги чува, дополнително им недостасува и воспитно-едукативниот процес за децата.
Родителите кои ги пријавиле децата за престој во градинка треба да достават потврда дека не можат да работат од дома. Од Управата на тетовските градинки велат дека можат да ги згрижат сите пријавени, а дополнително се проширува и капацитетот со реновирање на објектите.
И гостиварските градинки се подготвени повторно да ги отворат вратите за децата. Дополнителен простор ќе има и со формирањето на новата градинка, со одлука усвоена на последната седница на Советот.
Според протоколите воспитните групи за деца до 2-годишна возраст ќе треба да имаат по максимум 6 деца и групите над 3-годишна возраст максимум 15 деца.
Данијела Билбилоска