Жители и граѓански активисти со заштитни маски денеска пред кочанската фабрика за хартија Пејпер мил по трет пат протестираа.
Бараат да претстане загадувањето од фабричкиот оџак, сметаат дека и вонредните инспекциски контроли досега ништо немаат сменето.
Граѓанските активисти порачуваат дека не им е целта фабриката да се затвори, туку да се спречи загадувањето на воздухот.
Локалната власт ги поддржува граѓаните, иако не е во нивни ингеренции, сепак постојано се во контакт со раководството на фабриката и со државниот инспекторат за животната средина.
Активистите пред десеттина дена поднесоа и пријава до обвинителството против загадувањето од оваа фабрика за хартија.
Се заканија дека доколку не наидат на разбирање на нивните барања ќе ги интензивираат протестите во Кочани, а има и предлози и да ги преселат и во Скопје.
Викторија Јованова