Активистите остануваат на рампата на локалниот пат кој води до депонијата Русино и во следните десет дена.
Од Граѓанската иницијатива „Стоп Русино, чист воздух за Гостивар“ повторно ја воведоа забраната и за камионите на гостиварски Комуналец, затоа што деновиве депонијата гори, а ѓубрето не се затрупува.
Од Иницијативата велат, дека на Русино сега не се работи, иако Општината добро започнала во реализација на нивните барања.
Во меѓувреме се организираат информативни средби и јавни дебати за граѓаните да се изјаснат дали се за швајцарскиот модел, според кој Русино треба да стане санитарна депонија или за најбрзо затворање и дислокација.
Од Центарот за развој на полошки плански регион, појаснуваат дека за отворање и затворање на депонија треба соодветни протоколи и време. Блокадата на Русино започна на 2 август. Гостиварци се решија на ваков потег откако состојбата на депонијата стана алармантна во изминативе три месеца, која гореше отпадот, а граѓаните се жалеа на загаден воздух.
Сите се согласни во нивното барање, односно да се затвори ѓубриштето, кое со децении ги труе жителите на Гостивар и околината.
Данијела Петковска