Ситуацијата со пандемијата корона вирус во Србија и особено во Белград е критична, изјави претседателот Александар Вучиќ, најавувајќи полициски час во главниот град на државата за викендот од петок до понеделник.
Критична ситуација имаме во уште 4 градови , но заради алармантната ситуација во Белград , од утре се забранува собирање на повеќе од 5 луѓе во затворен или отворен простор, изјави Вучиќ
Од утре ќе биде забрането секое јавно собирање со повеќе од 5 луѓе, дали во затворен или во отворен простор а од Петок одиме на долг полициски час, односно забрана на движењето, заклучно со понеделник а потоа по понеделник ќе видиме за понатаму. Имаме 4 000 луѓе во болниците. Сите болници во Белград се речиси полни. Направивме многу грешки. Премногу се опуштивме, сите помисливме дека е готово. Веројатно и слушавме дека во текот на летото ќе биде многу полесно, отколку што беше во текот на зимските месеци, изјави српскиот претседател, Александар Вучиќ.