Активистите против рудници бараат партиите да се изјаснат за рудникот кај Иловица – ВМРО ДПМНЕ и СДСМ тврдат дека нема рудници против волјата на граѓаните. СДСМ е за еколошка средина, ВМРО ДПМНЕ за рдници само каде што граѓаните сакаат.
Предизборната кампања е добар термин да се чујат ставовите на политичките партии но и да се бара она што ќе го ветат да го спроведат по изборите, велат активистите против рудници во Југоистокот.
Инсистираат да ги чујат плановите на партиите, бидејќи според нив ова е важно прашање за секој жител на регионот.
Двете најголеми политички партии, пак, се категорични дека се со народот и дека нема да се носат одлуки коишто граѓаните не ги поддржуваат.
Социјалдемократите велат дека Југоистокот е најважното подрачје за производство на храна во земјата и затоа ќе се поддржува еко земјоделие и рурален туризам.
ВМРО – ДПМНЕ, пак, во својот став велат дека нема да спроведат ништо на сила и што е спротивно ан волјата на народ.
„Програмата Обнова предвидува постоење на рудници некаде на територија на државата. Не е спорно дека секој ресурс треба да биде правилно експлоатиран. Но, рудници таму каде што народот сака и каде што народот – нема да поддржуваме отворање на рудници“, велат од ВМРО ДПМНЕ.
Концесионерот на рудникот кај Иловица, пак, Еуромакс Рисорсис, апелира до политичките партии проектот за рудникот да не се злоупотребува во предизборната кампања за добивање политички поени.
Сузана Мицева