Светската здравствена организација соопшти денеска дека пандемијата корона вирус е тест на карактерот на државите и сите мораат да дејствуваат во интерес на солидарност и заедничкото добро.
Првиот човек на СЗО, Тедрос Гебрејесус додаде дека тие ги добиле информациите дека Соединетите американски држави ги купиле безмалку сите резерви на Ремдесивир, единствениот лек кој досега е одобрен за третман на Ковид 19, респираторната болест предизвикана од корона вирусот.
СЗО ги предупреди и земјите кои применуваат фрагментиран пристап кон справувањето со пандемијата , дека ги чека долг и тежок пат до излезот од кризата.
“Нови жаришта може да се очекуваат откако државите започнаа да ги укинуваат рестрикциите, но државите кои ги имаат воспоставено системите за примена на сеопфатен пристап треба да можат да ги ограничат овие жаришта на локално ниво и да избегнат примена на сеопфатни рестрикции. Сепак, ние сме загрижени дека некои земји не ги користеа сите алатки кои ги имаат на располагање и применија фрагментиран пристап. Овие држави имаат долг, тежок пат пред себе” – изјави Тедрос Адханом.
