Русите денеска со големо мнозинство ги поддржаа уставните реформи со кои претседателот на државата, Владимир Путин , би можел да остане на власт уште два мандати.
Неколку часа пред да биде завршено гласањето, централната изборна комисија веќе ги објави првичните резултати. Според агенцијата Риа Новости, откако биле преброени резултатите од 10% од гласачките места, околу 70% од руските граѓани ги поддржале уставните реформи.
Со овие промени, мандатите на Путин се ресетираат на нула, со што тој ќе може да остане на власт до 2036-тата година. Уставниот референдум започна минатата недела а според проценките, гласале над 60 % од граѓаните.
Опозицијата го обвини шефот на државата дека негова цел е да биде доживотен претседател на Русија.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.