Со изведба на претставата „ Глембаеви“, работена според романот на Мирослав Крлежа, во режија на Бранко Брезовац, а во продукција на НТ од Прилеп, синоќа во ЦК „ Антон Панов“ во Струмица, свечено беше подигната завесата на 30, јубилејно издание на Фестивалот на камерен театар „ Ристо Шишков“. Пред отворањето во фоајето на ЦК, беше отворена изложбата „ Лауреати“, која ги портретира сите 29 досегашни добитници на единствената награда за најдобар актер, што ја доделува фестивалот.
Во шесте фестивалски денови ќе бидат одиграни вкупно 9 претстави во натпреварувачката програма , со кои ќе се претстават македонски и театари од регионот. За добитникот на наградата за актерско остварување ќе одлучува жири со кое претседава актерката Ѕвездана Ангеловска, минатогодишен лауреат на ФКТ „ Ристо Шишков“.