За власта развоен, за опозицијата расипнички. Жестока расправа за ребалансот на буџетот, кој од денеска е на пленарна седница. Опозицијата упати остри критики за новото прекројување на државната каса. Велат земјата е банкторирана, пари за помош на граѓаните кои се на раб на егзистенција нема, а непродуктивното и расипничко трошење на владата ќе продолжи.
Има пари за измислени проекти за транформација на одредени јавни претпријатија, а пари за народот нема, во такви околности нереалано е да очекуваме од оваа влада, затоа соберете си ги куферите и да одиме на избори, граѓаните нека осудат дали економијата и државата одат во добра насока. Одговорот ви е не, рече Здравко Трајковски, пратеник од ВМРО-ДПМНЕ.
Од власта пак уверуваат дека овој ребаланс бил неопходен за да се одговори на последиците од глобалните кризи. Тврдат повеќе пари ќе има за пензии, плати, но и за субвенции. А ќе се донесат и нови акти кризни мерки.
-Ребаласнот е соодветен, навремен и ќе даде фискален одговор во целост за задзравување на економијата. Ова е ребаласн за поддршка на фирми и граѓани. Ќе се обезбедат 76 милиони евра за мерки за стандардот на граѓаните и фирмите, вели Жаклина Лазаревска, пратеник од СДСМ.
-Да и помогне на економијата од енергетската криза, инфлацијата ќе даде можност за одржлив развој на државата и макроекономска стабилност, рече министерот за финансии Фатмир Бесими.
Со ребалансот, трошењето ќе се зголеми за над 200 милиони евра, но ќе се соберат и 100 милиони евра плус. Расходите се проектирани на 4,7 милијадри, а приходите на 4 милијадри евра. Парите за капитални инвестиции се намалуваат од 613 на 520 милиони евра. Годинава се очекува да се заврши со раст од 3, 2 проценти, инфлацијата да надмине 7 отсто од бруто домашниот производ. Дефицитот изнесува 700 милиони евра, или нешто над 5 отсто од БДП.
Ирена Чачкова
