Два дена по ред, околу 22:30 часот, иста група млади лица со мотори вандализираат училишен двор во Аеродром. Превртуваат контејнери и оштетуваат урбана опрема.
Градоначалникот на Аеродром Дејан Митески објави снимки од 12 и 13 јуни на кои се гледаат пет млади како се во училишниот двор, по што еден од нив се качува на контејнер, а друг го турка. Потоа туркаат и расфрлаат и друг дел од опремата поставена во дворот. Лицата се идентификувани и поднесена е соодветна пријава.
Според Митески, и на други локации имало уништување на урбана опрема, на детски игралишта и други јавни содржини.
Поради ова, тој најави дека од МВР ќе бидат засилени контролите и надзорот на критичните локации.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.