Цените на основните прехрамбени производи, металите, електричната енергија и горивата растат со поголемо темпо од прогнозите.
Државниот завод за статистика на домашниот пазар бележи зголемување на цените за 0.3 отсто на месечно ниво, а споредбено со минатата година зголемување има за дури 21.4 отсто.
Драматичен раст има на цената за струјата за 26.9 отсто како и капиталните производи како што се алати, машини и готови производи од 74.6 отсто
Граѓаните се свесни за покачувањето на цените, но стравуваат до колку и до кога тоа ќе трае. Причини за зголемувањето на цените велат се порастот на енергенсите на светските пазари, влијанието на ковид кризата и војната помеѓу Русија и Украина.
Стопанствениците велат дека зголемувањето на цените за 21.4 отсто е премало во однос на трошоците што ги имаат. Тие ја повикаа Владата итно да го поддржи бизнисот со конкретни и директни мерки затоа што доколку продолжи трендот на поскапување, многу фирми ќе се затворат и граѓаните ќе останат без работа.
За 29.4 отсто се зголемиле цените на суровините, кај трајните производи како што се белата техника и автомобили зголемувањето е за 6.8 отсто, додека пак за 12.6 отсто се зголемиле цените кај нетрајните производи како што се храната, облеката и обувките.
Мартин Николовски