Утре наутро по котлините ќе има услови за појава на слаба магла, а преку денот ќе биде сончево и топло со мала до умерена локална облачност во западните делови. Ќе дува слаб ветер претежно од северен правец.
Агропрогноза:
Во оваа седмица, особено во втората половина, вистинските пролетни услови за кратко време ја разбудија вегетацијата особено кај овошките од коскестите видови, каде се забежени сите фази на цветање, од почеток до завршеток на цветањето.
Ваквите временски услови се очекува да продолжат и во наредната седмица, со мала промена во понеделник, кога се очекуваат слаби врнежи од дожд, додека во наредните денови се очекува време со позитивни утрински температури и дневни кои ќе бидат во границите до 20°С, временски услови оптимални за земјоделските култури во овој период од годината.
Позитивните утрински температури ќе овозможат голем дел од метеоролошките станици во Македонија да ги одминат просечните датуми на последна појава на мраз, што на некој начин гарантира дека овие мразеви од изминатата седмица би биле и последните за оваа пролет.
Едновремено поволните временски услови ќе овозможат и работа на отворено во овоштарниците и лозовите насади, околу меѓуредовата обработката, заштитата на истите, потоа работи во тутунопризводството за сеидба на леи за производство на расад и вообичаени работи во градинарството во овој период од годината.
Информација од утрово:
Висина на снежна покривка во 7 часот (во см)
34 Попова Шапка, 15 Крушево, Маврови Анови.
Минимална температура (во °C)
-5 Берово, -4 Маврови Анови, -2 Попова Шапка, -1 Битола, Крива Паланка, Претор, 0 Скопје-Петровец, Тетово, Демир Капија, 1 Охрид, Прилеп, Штип, Дебар, Kрушево, 2 Куманово, 3 Струмица, 4 Виница, 5 Скопје-Зајчев Рид, 6 Гевгелија, 8 Дојран.
Деталите во Телма МЕТЕО со Ирена Лазарова – Димитровска, во соработка со УХМР!
e-mail: [email protected]
https://www.instagram.com/telmameteo/