Високи казни, па дури и одземање на дозволите за работа ќе добијат менувачниците кои ќе бидат затекнати дека не продаваат девизи.
Народна банка најави засилени инспекции по шпекулациите во јавноста дека менувачниците не продаваат девизи затоа што чекаат повисок курс, а по закон, тие не смеат да ги чуваат девизите и да не ги менуваат.
Во интервју за МИА, гувернерката апелира до граѓаните, да не се изложуваат на непотребни трошоци менувајќи ги своите денарски средства во девизи, притоа водени единствено од шпекулациите и лажните вести, присутни во овој период.
Гувернерката потсетува дека секогаш кога ќе се јави некаква криза, менувачкиот пазар е мета на шпекулатните кои сакаат да профитираат.
И од Македонската банкарска асоцијација (МБА) тврдат дека менувачките работи се одвиваат непречено, а банките располагаат со доволно девизна готовина и девизи за задоволување на потребите на граѓаните.
Додаваат и дека курсевите се јавно објавени на секое менувачко место и се на стабилно ниво.
Средниот курс на еврото е 61,69. Куповниот курс во банките е 61.30, а продажниот 61,80.
Продажниот и во најголемиот дел од менувачниците е ист, 61,80, додека некои одат и до 61,90.
Далиборка Демјанска Цветановска