Минимално водство на СДСМ пред ВМРО-ДПМНЕ покажуваат првите неофицијални резултати објавени од ДИК кои ги пренесува репортерката на Телма Соња Николовска. Инаку веб сајтот на ДИК е паднат.
По преброени 546 избирачки места што претставува околу 15 % од избирачки места, коалицијата на СДСМ и Беса освоила 34,88% од преброените гласови, коалицијата на ВМРО-ДПМНЕ има 34,04%, ДУИ има освоено 12,06%, коалицијата на Алијанса и на Алтернатива има освоено 10,38%, Левица 3,31%, ДПА -2,03% и Интегра 1,15%.
Репортерката Николовска извести дека само на момент се појавиле овие резултати по што системот за објавување на гласовите се исклучил, со што и веб сајтот и платформата на која се објавуваат резултатите престанаа да работат.
Нема информации од кои општини и од кои изборни единици се резултатите.
