Петер Маѓар положи заклетва и ја презеде функцијата, со што и официјално ја презеде функцијата премиер на Унгарија за крај на 16-годишното владеење на Виктор Орбан. Во инаугуративниот говор, тој вети дека ќе ѝ служи на земјата, а не дека ќе владее со неа. Пред пратениците и јавноста порача дека на Унгарија ѝ треба „помирување, правда и соочување со минатото за нов почеток“. Вети обнова на демократските институции и системите за контрола и рамнотежа на владата
Неговата централно-десничарска партија Тиша оствари убедлива победа на парламентарните избори во април и обезбеди двотретинско мнозинство во унгарскиот парламент.
„Би сакал јасно да кажам овде, во куќата на унгарската демократија и конституционализам дека нема да владеам со Унгарија, туку ќе ѝ служам на мојата татковина. Зборовите на (поранешниот премиер) Јожеф Антал за нас го означуваат моралниот стандард и должноста на оваа служба. „Ќе служам сè додека мојата служба е корисна. Го правам ова најдобро што можам, сè додека сум во можност и унгарската нација го бара тоа“. Не стојам тука, затоа што сум различен од кој било друг во земјата. Не сум. Стојам тука, затоа што милиони Унгарци одлучија дека сакаат промени. И оваа доверба што ја добивме е чест и сериозна морална обврска, но и прекрасно чувство“, порача Маѓар од говорницата во унгарискиот парламент.