Ирански беспилотни летала денеска нападнале повеќе нафтени и енергетски објекти во Кувајт, предизвикувајќи пожари и значителна материјална штета.
Погодени биле капацитети на државната Кувајтска нафтена корпорација, како и комплексот Шуваик, каде се наоѓа Министерството за нафта.
Надлежните служби работат на локализирање на пожарите.
Според кувајтските власти, цел на нападите биле и две електрани и постројка за десoлeнизација на вода, при што е предизвикана дополнителна штета врз енергетската инфраструктура.
Засега нема информации за жртви, но штетите врз производствените капацитети се оценуваат како значајни.
Во Обединетите Арапски Емирати, пак, била погодена петрохемиска фабрика во Абу Даби, што довело до прекин на работата.
Министерството за одбрана на ОАЕ соопшти дека пресретнало повеќе ракети и беспилотни летала.
Нападите се дел од поширока ескалација на тензиите во регионот по неодамнешните воени дејствија.