Украинскиот претседател Володимир Зеленски попладнево се обрати до Украинците преку видеопорака во која предупреди дека земјата се наоѓа во една од најкритичните моменти од почетокот на војната. Говореше за исклучително силен политички и дипломатски притисок од САД, како и за тешките одлуки кои треба да ги донесе Киев во неделите што доаѓаат.
„Сега го проживуваме еден од најтешките моменти во нашата историја. Токму сега, Украина можеби мора да донесе исклучително тежок избор – или губење на достоинството или ризик од губење на клучен партнер. Или тежок план со 28 точки или исклучително остра зима, најсурова и натамошни ризици пред нас. Живот без слобода, достоинство и правда и да се биде присилен да се верува некому кој веќе двапати нè нападна. Тие ќе чекаат наш одговор. Притисокот врз Украина токму сега е меѓу најтешките некогаш“, порача Зеленски.
„Ќе се води конструктивна потрага за решение со Соединетите Американски Држави. Ќе изложам аргументи, ќе уверувам и понудам алтернативи, но на непријателот нема да му дадеме никакви поводи да каже дека Украина не е подготвена за мир“, нагласи украинскиот претседател.
„Ние, секако, сме направени од челик, но дури и најсилниот метал може на крај да попушти“, рече Зеленски.
„Мора да се прибереме, да дојдеме до себе, да престанеме со меѓусебни судири и токсични препирки. Државата мора да дејствува како единствена целина. Не смееме да загубиме од вид кој е нашиот вистински непријател“, порача Зеленски.
Тој се осврна и на почетокот на инвазијата.
„Тогаш не ја издадовме Украина, и сега нема да ја издадеме. Знам дека народот е со мене“, рече Зеленски.
„Наредната недела ќе биде тешка. Ќе има многу притисок – политички и информациски во обид да нè раздвојат и дестабилизираат“, потенцира Зеленски.
❗️❗️ Zelenskyy has published an address to the Ukrainian people.
“We are now living through one of the most difficult moments in our history. Right now, Ukraine may face a very tough choice: either the loss of dignity, or the risk of losing a key partner. Either a difficult… pic.twitter.com/bfS8U1bLBr
— 🪖MilitaryNewsUA🇺🇦 (@front_ukrainian) November 21, 2025