Украина е сè позагрижена поради можен притисок од американската администрација да прифати мировен план развиен од Вашингтон во соработка со Русија, објави „Фајненшл тајмс“ , цитирајќи украински претставници.
Според изданието, претседателот Доналд Трамп бара Киев да направи значителни отстапки кон Москва, што ќе влијаат на територијалните прашања , големината на украинските вооружени сили и нивните системи за оружје.Планот од 28 точки, одобрен од Трамп минатиот четврток , вклучува предлози што западните медиуми ги опишуваат како едни од најконтроверзните за Украина.
Во публикациите во европските и американските медиуми се објави дека нацрт-договорот предвидува предавање на целиот Донбас на Русија, замрзнување на линијата на фронтот во Херсонската и Запорошката област и намалување на вооружените сили на Украина за половина. Ваквите услови се сметаат за неприфатливи и политички нефункционални во Киев.
