Растот на цените на храната е главната причина за падот на рејтингот на Трамп, кој е на најниско ниво откако се врати на власт, според анкетата на „Ипсос Ројтерс“.Цените на кафето на мало во Соединетите Американски Држави се зголемија за дури 40 проценти оваа година, поттикнати од царините и други фактори како што е помалото производство поради неповолни временски услови.
-Одлуката за укинување на царините за увоз од Бразил ја покажува ефикасноста на трговските преговори“, изјави бразилската група за говедско месо ABIEC, додавајќи дека ќе продолжи да работи на зголемување на својот удел на пазарот во САД. Бразилскиот претседател Луиз Инасио Лула да Силва, исто така, го поздрави укинувањето на царините.
Администрацијата на Доналд Трамп објави дека ќе ги укине царинските давачки на повеќе клучни земјоделски производи од Бразил, меѓу кои кафе, говедско месо, какао и тропско овошје. Одлуката доаѓа како дел од новиот пакет мерки за олеснување на трговијата и за зајакнување на соработката со големите аграрни економии.
Според американските претставници, укинувањето на царините има за цел да ја намали цената на овие производи на американскиот пазар и да им помогне на преработувачките индустрии кои се соочуваат со растечки трошоци. Бразилските извозници одлуката ја поздравија како „историски чекор“ кој ќе го зголеми извозот и ќе ја продлабочи економската соработка меѓу двете земји.
И покрај тоа, дел од американските земјоделски здруженија изразија загриженост дека потегот може да создаде нелојална конкуренција за домашните производители, особено во секторите кафе и говедско месо.
Економистите очекуваат мерката да има брзо влијание врз цените на пазарот, додека пошироките ефекти врз трговијата ќе станат појасни во наредните месеци.