Приведен бил 24-годишен кавадарчанец, кој со 1.59 промили алкохол во крвта управувал возило, соопштија утрово од Секторот за внатрешни работи – Велес.
Денеска во 00:20 часот на улица „Ѓорѓи Соколов“ во градот, полициски службеници од ОВР – Кавадарци го лишија од слобода Д.А.. При контрола на патниот сообраќај, полициските службеници констатирале дека управувал патничко возило „ фолксваген транспортер“ со кавадаречки регистарски ознаки, под дејство на алкохол, односно измерени му се 1.59 промили алкохол во крвта, информираа од СВР – Велес.
Лицето било приведено во полициска станица и по целосно документирање на настанот, како што појаснија, против него ќе биде поднесена пријава по член 297-а од Кривичниот законик – „безобѕирно управување со моторно возило“.