Кристијано Роналдо е убедливо најплатениот фудбалер во светот и заработува двојно повеќе од својот вечен ривал Лионел Меси. Четворица од 10-те најплатени фудбалери за 2024 година доаѓаат од саудиката фудбалска лига.
Роналдо во оваа 2024 година ќе заработи неверојатни 285 милиони долари, објавува финансискиот магазин „Форбс“ во својата традиционална топ-листа. Од договорот со Ал Наср, Португалецот ќе инкасира 220 милиони, додека преостанатите 65 милиони се од спонзорските договори. Интересно е тоа што Роналдо е на врвот на најплатени фудбалери по шести пат во последните 10 години.
Меси е втор на листата со заработка од 135 милиони долари. Аргентинецот интересно по преселбата во Интер Мајами повеќе заработува од спонзорите отколку од фудбалскиот договор. Па тој добива плата од 60 милиони, а 75 милиони долари инкасира од спонзорите.
Следни на листата најплатени фудбалери се Нејмар од Ал Хилал со 110 милиони, потоа Карим Бензема од Ал Итихад има заработка од 104 милиони долари.
Во Европа најплатен фудбалер е Килијан Мбапе со заработка од 90 милиони долари, а по него следуваат Ерлинг Халанд со 60 милиони, Винисиус Жуниор 55 милиони, Мохамед Салах со 53 милиони, неговиот поранешен соиграч од Ливерпул, Садио Мане зараборува еден милион помалку во Ал Наср, а десетте најплатени фудбалери ги комплетира Кевин де Брујне со заработка од 39 милиони долари.
Фото: Игор Паневски