Српскиот тенисер Новак Ѓоковиќ изненадувачки загуби од Лука Нарди во третото коло од мастерс турнирот во Индијан Велс, САД. Првиот светски рекет беше совладан од 20-годишен Италијанец со резултат 2:1 во сетови 6:4, 3:6, 6:3.
Нарди, кој е 123-ти на ранг листата на АТП успеа да го совлада својот идол, чиј постер како што изјавуваше, имал закачено во својата соба.
За Ѓоковиќ, после долго време, ова е пораз од играч кој се наоѓа подолу од 100-тата позиција на АТП листата. Нарди успеа да го победи противникот со поефикасна игра додека Ѓоковиќ се мачеше да ги освојува гемовите. Младиот 20-годишен Италијанец на крај победи, а Ѓоковиќ и по турнирот во Индијан Велс во Калифорнија ќе остане на првата позиција.
What dreams are made of 🤩
Lucky loser @Luca___Nardi knocks out World No.1 Novak Djokovic 6-4 3-6 6-3, to reach the Indian Wells round of 16.
@BNPPARIBASOPEN | #TennisParadise pic.twitter.com/WRdbC3KCvn— ATP Tour (@atptour) March 12, 2024