Цените на такси услугите во Штип нема да се намалат и покрај тоа што е поевтино горивото. Штипјани засега немаат градски превоз и затоа во изминатите години такси превозот е најкористен од страна на студентите, учениците и пенизонерите.
Стартот на такси услугата е 70 денари. Штипјани очекуваат поевтина такси услуга, но секоја компанија треба да обезбеди документација за лиценца, која чини околу 500 евра, а се плаќа и по 1.200 денари месечно на Општина Штип за користење на паркинг. Граѓаните се жалат дека најголем недостаток на такси превозници има во случај на невреме или претпладне и попладне кога учениците и работниците одат на училиште и на работа.
Сериозен проблем се таксистите кои возат на црно се жалат компаниите, кои им земаат дел од профитот. Такси компаниите веќе две години трпат сериозни удари, уште од пред ковид кризата половина од нив ги затвориле, а кадарот им е преполовен.
Викторија Димитрова Јованова
