Аргентина е нов светски шампион во фудбал. Аргентинците во финалето на Светското првенство во Катар ја совладаа Франција, по подобро изведување на пенали, со 4:2 и по третпат во историјата се искачија ја фудбалскиот Олимп, а за првпат по 1986 година.
Мечот во основните 90 минути заврши 2:2. Лионел Меси во 23-та минута од пенал и Анхел ди Марија во 36 минута погодија за „гаучосите“, Килијан Мбапе беше двоен стрелец за „триколорите“ во 80-та, односно 81-та минута.
Во екстра времето на „Лусаил“ стадионот во Доха, најпрво погоди Меси во 108-та минута за 3:2, а пенали за Франција обезбеди Мбапе во 117-та минута по ударот од белата точка.
Прецизни реализатори за Аргентина во пенал рулетот беа Меси, Дибала, Паредес и Монтиел, а за Франција погодија Мбапе и Коло Муани, додека Коман и Чуамени не успеаја еда го совладаат Емилијано Мартинез.
На тој начин, Меси го освои единствениот трофеј што му недостасуваше во кариерата. Франција, пак, остана на трите шампионски титули и не успеа да биде само третата репрезентација во историјата која го одбранила тронот.