Минимална промена кај цената на дизел горивата од половина денар или таа да остане иста, а кај бензините поскапување за денар и половина до два – овие проекции пред малку ги соопшти премиерот Христијан Мицкоски кој напомена дека одлуката која ќе ја соопшти Регулаторната комисија се однесува за минатата недела.
Тој очекува од следната недела да има значајно намалување.
По договорот што го постигнаа САД и Иран, цените на берзите на нафтата и нафтените деривати драматично паднаа и се движат од 82-83 долари за барел.
Мицкоски е задоволен како земјата се справила со кризата, зашто немало рестрикции на горива а поради пониските цени споредено со соседните земји, граѓани од соседството доаѓале во Македонија да полнат бензин.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.