Марија ван Керхове, епидемиолог за заразни болести во Светската здравствена организација (СЗО), на брифинг за медиумите изјави дека не е иста ситуацијата како пред шест години со Ковид-19, бидејќи хантавирусот се шири преку „близок, интимен контакт“.
Здравствените власти се во трка за да ги пронајдат десетици луѓе кои неодамна се истовариле од холандскиот брод MV Hondius.
СЗО соопшти дека вкупно се потврдени пет од осум сомнителни случаи на хантавирус. Три лица починале, вклучувајќи 69-годишна Холанѓанка, која го имала вирусот.
Нејзиниот сопруг Холанѓанец и една Германка исто така починале, а нивните случаи се истражуваат.
Хантавирусот обично се шири од глодари но, во најновата епидемија преносот меѓу луѓето е документиран за прв пат, соопшти СЗО.
Луксузното крстарење, управувано од „Оушенвајд експедишн“, го започна своето патување на 1 април во Ушуаја, Аргентина, и се очекува да пристигне на Канарските Острови во Шпанија на 10 мај.
