Сертификатот кој бил добиен со фалсификат беше презентиран денеска како доказ во судскиот процес против поранешната претседателка на антикорупциската комисија Татјана Димитровска. Како докази на денешното рочиште обвинителството ги покажа и предметите за судир на интереси кои се воделе во ДКСК додека таа беше прв човек на институцијата, како и документи за имотната состојба на екдиректорот на ТЕЦ Неготино, Небојша Стојановиќ кој е обвинет во случајот Адитив.
На следното рочиште се очекува да бидат презентирани и преписките меѓу неа и Стојановиќ со кои обвинителството ќе докажува дека има оддавање на службена тајна. Таа на стартот на судењето негираше вина бидејќи тврди дека сите информации биле јавно објавени на седница со што не се спорни пораките меѓу неа и обвинетиот во Адитив. дВина негираше и ревизорот Миле Столевски кој е обвинет дека во нејзино име го полагал тестот за сертификат за „државна тајна“ и обвинетата Билјана Мантева од Тец Неготино.