Испораките на руска нафта преку нафтоводот „Дружба“ се од најголема важност за Унгарија, изјави Петер Маѓар, лидер на партијата Тиса која победи на унгарските парламентарни избори во неделата.
„Ова е многу важно и Унгарија едноставно не може сега да се откаже од тоа. Ако би сакала сега да го стори тоа, би било тотално невозможно од аспект на географско гледиште. Русија ќе остане на своето место, како и Унгарија“, нагласи тој во интервју за Радио Кошут.
Маѓар изрази надеж дека Украина ќе го одржи своето ветување и ќе продолжи со испорака на суровини во наредните недели. Но, лидерот на Тиса појасни дека сè уште не остварил директен контакт со украинскиот претседател Володимир Зеленски, бидејќи актуелниот премиер Виктор Орбан официјално ги задржува овластувањата за преговори до почетокот на мај.